மீண்டும் வாஷிங்டன் போகும் திட்டமிருக்கிறதா, உடன் வர முடியுமா என அலுவலக நண்பர் கேட்டவுடன் சரியென்று சொல்லி விட்டேன். சென்ற முறை நேரம் ஆகிவிடும் என்ற காரணத்தால் ஃபோர்ட் அரங்கத்திற்கும் ஜார்ஜ் டவுனுக்கும் செல்லவில்லை. ஃபோர்ட் நாடக அரங்கம் எங்கிருக்கிறது என சரியாக பார்க்காமல் விட்டிருந்தேன். மால் பகுதியில் தான் இருக்கிறது என பின்னர்தான் தெரிந்துகொண்டேன். ஜார்ஜ் டவுனுக்கு மட்டும் தனியே பேருந்தில் செல்ல வேண்டும்.
ஃபோர்ட் தியேட்டரில் என்ன? இன்றும் அது நாடக அரங்காக இயங்கிக் கொண்டிருக்கிறது. 1865, ஏப்ரல் 14 ஆம் நாள் இரவு வெறும் நாடகம் மட்டும் நிகழவில்லை. அமெரிக்காவின் அடிமையொழிப்பை எதிர்த்து அணிதிரண்ட கான்ஃபெடரேட்ஸ் என்று அறியப்படும் தெற்கு மாநிலங்களின் ராணுவத்துடன் 5 ஆண்டுகளுக்கும் மேல் நடந்த உள்நாட்டு யுத்தம் 1865, ஏப்ரல் 9 ஆம் தேதி முடிவடைந்தது. அமெரிக்க அரசின் படையினரிடம் தெற்கு படையினர் சரணடைந்தனர். மனைவியின் வற்புறுத்தலின் பேரில் ஃபோர்ட் அரங்கிற்கு அன்று நாடகம் பார்க்க வந்தார் அமெரிக்கவின் 16 வது அதிபர் ஆபிரஹாம் லிங்கன். போர் முடிந்து 5 நாட்களே ஆகியிருந்தன. அதிபருக்கென்று இருந்த ஒரு தனியிடத்திலிருந்து நாடகத்தைப் பார்த்து கொண்டிருந்த லிங்கனை ஜான் வில்க்ஸ் பூத் என்ற புகழ்பெற்ற நாடக நடிகர் தலையின் பின்பக்கம் வெகு அருகில் இருந்து சுட்டார். சுட்டுவிட்டு கீழே குதித்து தெற்கு பழி தீர்க்கப்பட்டது என்று கூக்குரலிட்டு தப்பியோடினார்.
குண்டடி பட்ட லிங்கனை வெள்ளை மாளிகை வரை தூக்கிச் செல்ல முடியாதென்று அரங்கின் நேரெதிரில் இருந்த பீட்டர்சன் என்பவரின் வீட்டுக்கு கொண்டு சென்றனர். மறுநாள் காலையில் லிங்கன் உயிரிழந்தார்.ஏறக்குறைய தன் பதவிக்காலம் முழுதும் உள்நாட்டுப் போரிலேயே செலவிட்டு நிறையவே சோர்ந்திருந்த லிங்கனின் வாழ்வு போரோடு சேர்ந்து முடிந்து போனது. ஏறக்குறைய மகாத்மா காந்தியின் வாழ்வு மாதிரியே தான்.
நாங்கள் புறப்பட்ட காலையில் 10.30 க்கு ஒரு நாடகம் (கிறிஸ்மஸ் கேரல்) நடக்க இருந்ததால் எங்களால் அரங்கத்தைப் பார்க்க முடியவில்லை. அருங்காட்சியகத்திற்கு மட்டும் சென்றோம். லிங்கன் சுடப்பட்ட துப்பாக்கியை காட்சிக்கு வைத்துள்ளனர். லிங்கனைக் கொன்ற மற்றும் பிற குடியரசு கட்சித் தலைவர்களைக் கொல்ல முயன்றவர்களுடைய சிலைகளும் வைக்கப்பட்டுள்ளன. லிங்கனின் புகழ்பெற்ற (Team of Rivals) அணியில் இருந்த சீவெர்ட் ஐ கொல்ல நடந்த முயற்சியில் அதிர்ஷ்ட வசமாக உயிர் பிழைத்தார். துணை அதிபர் தாக்குதலில் இருந்து தப்பித்தார். அவரைக் கொல்ல வந்தவன் பயத்தில் குடிக்கச் சென்றுவிட்டான். இவர்களில் ஒருவர் மேரி சுரட் என்ற பெண். பூத்தின் ஆலோசனையின் பேரில் துப்பாக்கியை கொடுத்தனுப்பினார். இவர்கள் அனைவரும் தூக்கிலிடப்பட்டனர். பூத் மட்டும் தேடுதலின் போது சுட்டுக் கொல்லப்பட்டார். காவல்துறை பூத்தை தேடிக் கொன்றது ஒரு தனிக்கதை. குருதி படிந்த லிங்கனின் தலையணை உட்பட நிறைய தடயங்களை பத்திரபடுத்தியுள்ளனர். லிங்கனின் புகழ் பெற்ற கெட்டிஸ்பெர்க் உரையை கிளிண்டன், புஷ் உட்பட முன்னாள் அதிபர்களை பேச வைத்து பதிவு செய்து வைத்துள்ளனர்.
பிறகு எதிரில் உள்ள பீட்டர்சன் வீட்டிற்கு சென்றோம்.
இங்குதான் லிங்கன் உயிரைக் காப்பாற்ற அன்று இரவு முழுதும் மருத்துவக்குழு முயன்றது. ஆனால் அதிகமான குருதி வெளியேற்றத்தால் அவரை காப்பாற்ற முடியாதென அதிகாலை 4 மணியளவில் அறிவித்தனர். காலை 7 மணிக்கு மேல் அவர் உயிர் பிரிந்தது.
அன்று அவர் படுக்க வைக்கப்பட்ட படுக்கை சிகாகோ அருங்காட்சியகத்தில் வைக்கப்பட்டுள்ளது. இங்கு வேறொரு படுக்கையை வைத்துள்ளனர்.
இவை அனைத்தையும் விட முக்கியமான செய்தி லிங்கனின் புத்தக கோபுரம். இதுவரை லிங்கனைப் பற்றி எழுதப்பட்டுள்ள புத்தகங்களை வைத்து ஒரு கோபுரத்தை எழுப்பியுள்ளனர். மூன்று மாடி உயரம் உள்ள கோபுரம்.
கோபுரத்தின் அடியில் ஒரு வாசகம் பதிக்கப்பட்டுள்ளது.நமது 16வது அதிபரைப் பற்றிய கடைசிச் சொல் எழுதப்படாது. ஏனெனில் ஒவ்வொரு தலைமுறையும் தங்களுக்கான லிங்கனை உருவாக்குகிறார்கள். நமக்கு அப்படி ஒருவர் இருப்பாரானால், அது மகாத்மா காந்தி மட்டும் தான்.
லிங்கனைப்பற்றி பிற அமெரிக்க மற்றும் உலகத்தலைவர்கள் கூறியதையும் காட்சிக்கு வைத்துள்ளனர். மகாத்மா காந்தி மற்றும் அன்னை தெரசாவின் வாசகங்களும் வைக்கப்பட்டுள்ளன.
காந்தியின் வாசகம் தனக்காகவும் இதை சொன்னது போல் உள்ளது.
வெள்ளை மாளிகை இங்கிருந்து நடந்து செல்லும் தூரத்திலேயே உள்ளது.
இதற்கு பிறகு மறுபடியும் மால் பகுதியிலேயே சுற்றிவிட்டு திரும்பி வந்து சேர்ந்தோம். வாஷிங்டன் நிறைய முன்னேறி விட்டாலும், ஜார்ஜ்டவுன் பழைய நினைவுகளுக்காக அப்படியே பாதுகாக்கப்பட்டு வருகிறது. அதனால் தான் இந்த பகுதியில் மெட்ரோ ரயில் இணைப்பில்லை என்று ஒருவர் சொன்னார். ஆனால் அன்றும் நேரமாகிவிடவே ஜார்ஜ் ட்வுனுக்கு செல்ல முடியவில்லை. மறுபடி மார்டின் லூதர் கிங் நினைவிடத்திற்கு சென்றோம். இன்று கூட்டம் குறைவாகவே இருந்தது.
வாஷிங்டனில் சில சாலைகளின் பெயர்கள் எண்களாலும் (1, 2, etc.) சில ஆங்கில எழுத்துகளாலும் (A,B, etc) மற்றும் சில வேறு பெயர்களாலும் (Constitution Avenue, Independence Avenue, etc) குறிக்கப்பட்டுள்ளன.
காஞ்சிபுரம் சாலைகளின் பெயர்கள் உடனே ஞாபகத்திற்கு வருகின்றன. சில சாலைகள் அங்கு நடந்த தொழில்களின் பெயரால் குறிப்பிடப்பட்டன (வணிகர் வீதி, நெல்லுக்கார தெரு, மண்டித் தெரு, எண்ணெய்க்காரத் தெரு) சில சாலைகள் அங்கு இருக்கும் நன்கு தெரிந்த இடங்களின் பெயராலும் (மடத்தெரு, ரயில்வே ரோடு, சன்னதி அல்லது கோவில் தெருக்கள்) அழைப்படுகின்றன. சில சாலைகள் அவற்றின் குணத்தாலும் அழைப்படுகின்றன (பள்ளத்தெரு, மேட்டுத்தெரு, தோப்புத்தெரு) அந்த பெயர்கள் இப்போது தலைவர்களின் பெயர்களால் மாற்றப்பட்டு வருகின்றன. முடிந்தால் இந்த பெயர் மாற்றங்கள் பற்றி தனியாக எழுத வேண்டும்.
ஃபோர்ட் தியேட்டரில் என்ன? இன்றும் அது நாடக அரங்காக இயங்கிக் கொண்டிருக்கிறது. 1865, ஏப்ரல் 14 ஆம் நாள் இரவு வெறும் நாடகம் மட்டும் நிகழவில்லை. அமெரிக்காவின் அடிமையொழிப்பை எதிர்த்து அணிதிரண்ட கான்ஃபெடரேட்ஸ் என்று அறியப்படும் தெற்கு மாநிலங்களின் ராணுவத்துடன் 5 ஆண்டுகளுக்கும் மேல் நடந்த உள்நாட்டு யுத்தம் 1865, ஏப்ரல் 9 ஆம் தேதி முடிவடைந்தது. அமெரிக்க அரசின் படையினரிடம் தெற்கு படையினர் சரணடைந்தனர். மனைவியின் வற்புறுத்தலின் பேரில் ஃபோர்ட் அரங்கிற்கு அன்று நாடகம் பார்க்க வந்தார் அமெரிக்கவின் 16 வது அதிபர் ஆபிரஹாம் லிங்கன். போர் முடிந்து 5 நாட்களே ஆகியிருந்தன. அதிபருக்கென்று இருந்த ஒரு தனியிடத்திலிருந்து நாடகத்தைப் பார்த்து கொண்டிருந்த லிங்கனை ஜான் வில்க்ஸ் பூத் என்ற புகழ்பெற்ற நாடக நடிகர் தலையின் பின்பக்கம் வெகு அருகில் இருந்து சுட்டார். சுட்டுவிட்டு கீழே குதித்து தெற்கு பழி தீர்க்கப்பட்டது என்று கூக்குரலிட்டு தப்பியோடினார்.
குண்டடி பட்ட லிங்கனை வெள்ளை மாளிகை வரை தூக்கிச் செல்ல முடியாதென்று அரங்கின் நேரெதிரில் இருந்த பீட்டர்சன் என்பவரின் வீட்டுக்கு கொண்டு சென்றனர். மறுநாள் காலையில் லிங்கன் உயிரிழந்தார்.ஏறக்குறைய தன் பதவிக்காலம் முழுதும் உள்நாட்டுப் போரிலேயே செலவிட்டு நிறையவே சோர்ந்திருந்த லிங்கனின் வாழ்வு போரோடு சேர்ந்து முடிந்து போனது. ஏறக்குறைய மகாத்மா காந்தியின் வாழ்வு மாதிரியே தான்.
நாங்கள் புறப்பட்ட காலையில் 10.30 க்கு ஒரு நாடகம் (கிறிஸ்மஸ் கேரல்) நடக்க இருந்ததால் எங்களால் அரங்கத்தைப் பார்க்க முடியவில்லை. அருங்காட்சியகத்திற்கு மட்டும் சென்றோம். லிங்கன் சுடப்பட்ட துப்பாக்கியை காட்சிக்கு வைத்துள்ளனர். லிங்கனைக் கொன்ற மற்றும் பிற குடியரசு கட்சித் தலைவர்களைக் கொல்ல முயன்றவர்களுடைய சிலைகளும் வைக்கப்பட்டுள்ளன. லிங்கனின் புகழ்பெற்ற (Team of Rivals) அணியில் இருந்த சீவெர்ட் ஐ கொல்ல நடந்த முயற்சியில் அதிர்ஷ்ட வசமாக உயிர் பிழைத்தார். துணை அதிபர் தாக்குதலில் இருந்து தப்பித்தார். அவரைக் கொல்ல வந்தவன் பயத்தில் குடிக்கச் சென்றுவிட்டான். இவர்களில் ஒருவர் மேரி சுரட் என்ற பெண். பூத்தின் ஆலோசனையின் பேரில் துப்பாக்கியை கொடுத்தனுப்பினார். இவர்கள் அனைவரும் தூக்கிலிடப்பட்டனர். பூத் மட்டும் தேடுதலின் போது சுட்டுக் கொல்லப்பட்டார். காவல்துறை பூத்தை தேடிக் கொன்றது ஒரு தனிக்கதை. குருதி படிந்த லிங்கனின் தலையணை உட்பட நிறைய தடயங்களை பத்திரபடுத்தியுள்ளனர். லிங்கனின் புகழ் பெற்ற கெட்டிஸ்பெர்க் உரையை கிளிண்டன், புஷ் உட்பட முன்னாள் அதிபர்களை பேச வைத்து பதிவு செய்து வைத்துள்ளனர்.
பிறகு எதிரில் உள்ள பீட்டர்சன் வீட்டிற்கு சென்றோம்.
இங்குதான் லிங்கன் உயிரைக் காப்பாற்ற அன்று இரவு முழுதும் மருத்துவக்குழு முயன்றது. ஆனால் அதிகமான குருதி வெளியேற்றத்தால் அவரை காப்பாற்ற முடியாதென அதிகாலை 4 மணியளவில் அறிவித்தனர். காலை 7 மணிக்கு மேல் அவர் உயிர் பிரிந்தது.
அன்று அவர் படுக்க வைக்கப்பட்ட படுக்கை சிகாகோ அருங்காட்சியகத்தில் வைக்கப்பட்டுள்ளது. இங்கு வேறொரு படுக்கையை வைத்துள்ளனர்.
இவை அனைத்தையும் விட முக்கியமான செய்தி லிங்கனின் புத்தக கோபுரம். இதுவரை லிங்கனைப் பற்றி எழுதப்பட்டுள்ள புத்தகங்களை வைத்து ஒரு கோபுரத்தை எழுப்பியுள்ளனர். மூன்று மாடி உயரம் உள்ள கோபுரம்.
கோபுரத்தின் அடியில் ஒரு வாசகம் பதிக்கப்பட்டுள்ளது.நமது 16வது அதிபரைப் பற்றிய கடைசிச் சொல் எழுதப்படாது. ஏனெனில் ஒவ்வொரு தலைமுறையும் தங்களுக்கான லிங்கனை உருவாக்குகிறார்கள். நமக்கு அப்படி ஒருவர் இருப்பாரானால், அது மகாத்மா காந்தி மட்டும் தான்.
லிங்கனைப்பற்றி பிற அமெரிக்க மற்றும் உலகத்தலைவர்கள் கூறியதையும் காட்சிக்கு வைத்துள்ளனர். மகாத்மா காந்தி மற்றும் அன்னை தெரசாவின் வாசகங்களும் வைக்கப்பட்டுள்ளன.
காந்தியின் வாசகம் தனக்காகவும் இதை சொன்னது போல் உள்ளது.
வெள்ளை மாளிகை இங்கிருந்து நடந்து செல்லும் தூரத்திலேயே உள்ளது.
இதற்கு பிறகு மறுபடியும் மால் பகுதியிலேயே சுற்றிவிட்டு திரும்பி வந்து சேர்ந்தோம். வாஷிங்டன் நிறைய முன்னேறி விட்டாலும், ஜார்ஜ்டவுன் பழைய நினைவுகளுக்காக அப்படியே பாதுகாக்கப்பட்டு வருகிறது. அதனால் தான் இந்த பகுதியில் மெட்ரோ ரயில் இணைப்பில்லை என்று ஒருவர் சொன்னார். ஆனால் அன்றும் நேரமாகிவிடவே ஜார்ஜ் ட்வுனுக்கு செல்ல முடியவில்லை. மறுபடி மார்டின் லூதர் கிங் நினைவிடத்திற்கு சென்றோம். இன்று கூட்டம் குறைவாகவே இருந்தது.
வாஷிங்டனில் சில சாலைகளின் பெயர்கள் எண்களாலும் (1, 2, etc.) சில ஆங்கில எழுத்துகளாலும் (A,B, etc) மற்றும் சில வேறு பெயர்களாலும் (Constitution Avenue, Independence Avenue, etc) குறிக்கப்பட்டுள்ளன.
காஞ்சிபுரம் சாலைகளின் பெயர்கள் உடனே ஞாபகத்திற்கு வருகின்றன. சில சாலைகள் அங்கு நடந்த தொழில்களின் பெயரால் குறிப்பிடப்பட்டன (வணிகர் வீதி, நெல்லுக்கார தெரு, மண்டித் தெரு, எண்ணெய்க்காரத் தெரு) சில சாலைகள் அங்கு இருக்கும் நன்கு தெரிந்த இடங்களின் பெயராலும் (மடத்தெரு, ரயில்வே ரோடு, சன்னதி அல்லது கோவில் தெருக்கள்) அழைப்படுகின்றன. சில சாலைகள் அவற்றின் குணத்தாலும் அழைப்படுகின்றன (பள்ளத்தெரு, மேட்டுத்தெரு, தோப்புத்தெரு) அந்த பெயர்கள் இப்போது தலைவர்களின் பெயர்களால் மாற்றப்பட்டு வருகின்றன. முடிந்தால் இந்த பெயர் மாற்றங்கள் பற்றி தனியாக எழுத வேண்டும்.
Comments